Ek nayi shuruat ki dehleej pe
Pair tham se gaye hai jaise
Khushiyan bahein khol bula rahi hai
Magar dil mein hichkichahat hai jaise
Is mukaam pe pehle bhi laa chuki hai zindagi
Fir kyon hosla kamzoor hai jaise
Har shuruaat ko hasil kahan hoti hai manzil
Is baar khwaab mukammal ho umeed hai jaisee
Zindagi, humne suna hai ki tum sabhi ke imtahaan leti ho
Kisike haath lage asaan, toh kisiko mushkil se deti ho
Humnein apne imtihaan, mushkil se the paaye
Auron ke dekhe toh jaana, hamare haath toh saare asaan hi the aaye
Ab, is kashmakash mein hai dil
Kya asaan hi tha hamara hasil?
ya imtihaan ab bhi hai baaki?