Yaadein

Tumhari kai aisi yaadein hai, jo meine kabhi kisise baati nahi
Hamari poorani tasveeron se, meine abhi tumhari tasveerein chaati nahi

Jaane kyon ek darr hai shayad, un yaadon ko bhula dene ka
Saare acche toh na the fir bhi dil karta hai, un lamhon ko dobara ji lene ka

Nayi yaadein banane se poorani apni ahemiyat kahan khoti hai
Hasti aakon mein bhi ye kahin siskiyan liye roti hai

Lekin yaadon ke sahare zindagi jine se kya hoga haasil
Purane zakhmo ko sehlane se nahi hogi aasaan mushkil

Zindagi ka mazaa naye rishte pirone mein hai
Naye hausle ke saath nayi bulandiyon ko choone mein hai

Der se hi sahi aaj fir ek umeed si jaagi hai
Aaj hum fir ek nayi shuruaat karne ko haavi hai

Dost (This one's dedicated to Jitu)

Woh dost hi kya jinke gale lagne se dard kum na ho
Woh dost hi kya jinke bichadne ka gum na ho

Woh dost hi kya jo doston ka marham na ho
Woh dost hi kya jo dosti mein besharm na ho

Woh dost hi kya jo mushkil raaston mein humsafar na ho
Woh dost hi kya jo tumhari manzilon mein shamil na ho

Woh dost hi kya jo tumhari buraiyon ko chupaye
Woh dost he kya jo tumhari galtiya na apnaye

Woh dost hi kya jo apne bikharne par tumhe yaad na kare
Woh dost hi kya jo is baat ki khuda se fariyaad na kare

Woh dost hi kya jo zindagi se badhkar na ho
Woh dost hi hai jinke door jaane se bhi dosti kum na ho

Khoj

Zindagi ek khoj hai shayad

Khoj hi hogi, yahan

Kuch sacchai khoj rahe hai

Kuch acchai khoj rahe hai

Kuch rishtey khoj rahe hai

To kuch unke maine khoj rahe hai

Kuch jazbaat khoj rahe hai

To kuch unhe bayan karsake woh alfaz khoj rahe hai

Kuch khushi khoj rahe hai 

Aur kuch hansi khoj rahe hai

Kuch gum hai khwab khojne mein

Aur kuch apni hakikat khoj rahe hai

Kuch dosti khoj rahe hai

To kuch pyaar khoj rahe hai

Hum bhi chale the zindagi khojne

Par ab jaise lagta hai apne aap ko khoj rahe hai

Mutthi

Dil sabhi ka toot ta hai
Saath sabhi ka choot ta hai

Kuch asoonon mein baha dete hai
Kuch hasi mein daba lete hai

Magar thamti nahi zindagi kisi ke liye
Waqt ko mutthi mein daba lene se

Sach toh ye hai ki mutthi hamesha hi khali thi
Shayad der lagi humein hi yeh pehchaan ne mein

Rishtey

Kuch gum hai jo baatein nahi jaate

Kuch jashn hai jo manaye nahi jaate

Inhe rakha hai sanjokar yaadon mein

Ye kisse sabhi ko sunaye nahi jate

Arzoo hai kisi roz baateinge ye tumse

Bina in yaadon ke, riste banaye nahi jate

Haarte hai pyaar se

Tumhare saath tha jo mera waqt wo haseen tha

Dekha tha jo khawb meine wo ban gaya yakeen tha

Apne hi yakeen ki dhund mein chalta gaya

Tumhari aadaton mein jane kyon dhalta gaya

Hosh jab sambhala toh laga mera hi dosh tha

Mann mein na jaane kyon khudse aakrosh tha

Dil mein sau sawal the par sar pe ek sawar tha

Kya tum mera saath dete agar hasil sirf haar tha

Fir jutaya hosla aur chala mein us mukam pe

Jahan na teri yaad thi na mera dil tha mere saath mein

Thak gaye hai pair mere fir bhi kyon tera ehsaas hai

Itna door aa chuka hoon ab bachi na koi saans hai

 Dil se na mita saka na bhulka saka mein yaad se

 Tab samaj aaya kyon log haarte hai pyaar se